Hai uns días tivemos o pracer de recibir nas instalacións de Cuevas e Cía, no Polígono de San Cibrao das Viñas, aos estudantes do Grao de Enxeñería Agraria, do Campus de Ourense da Universidade de Vigo.
A guía desta visita foi Lucía Penín Sánchez, responsable de Calidade, Seguridade Alimentaria e I+D, quen acompañou ao alumnado e á súa profesora, Sandra Rivas Siota, doutora en Ciencia e Tecnoloxía dos Alimentos e membro do proxecto EQ-2, encargado na investigación en temas relativos a Biomasa E Desenvolvemento Sostible.
Estes futuros enxeñeiros e enxeñeiras puideron ver de primeira man a aplicabilidade de toda a formación que están a adquirir na súa carreira. A nivel industrial, coñeceron a maquinaria empregada nos nosos procesos de creación, a eficiencia enerxética implantada na compañía, e a tecnoloxía implementada para mellorar a eficiencia dos procesos máis artesanais, como a elaboración do delicioso Marron Glacé.
Ver imaxe