É a simbiose entre natureza e artesanía onde Cuevas atopa a súa condición de diferente, firme no seu empeño de manter unha testemuña culinaria tan cargada de historia, un verdadeiro anaquiño de alma de bosque levado ata a máxima expresión sensorial.
Apenas unha decena das máis de 80 variedades de castañas que se atopan nos bosques galegos son aptas para elaborar marron glacé. Estas son sometidas a unha rigorosa selección atendendo a criterios organolépticos e morfolóxicos.
Só unhas poucas serán susceptibles de someterse ao proceso que as elevará á categoría de marron glacé.
A castaña, unha vez seleccionada, exponse a un delicado proceso de pelado para o que se require unha complexa dotación de tecnoloxía específica. Somos unha das poucas empresas no mundo que dispón dunha dobre tecnoloxía de pelado a lume e pelado a vapor, para cubrir sen excepción toda a demanda do mercado de produtos derivados da castaña.
Unha vez que se pasa do proceso de pelado, as nosas castañas conféitanse individualmente mediante un lento proceso de osmose nun néctar, para terminar embelecéndoas cunha fina e crocante cobertura de glas perfumado á vainilla.
Todo o delicado proceso do produto é revisado e levado a cabo por persoal especializado, que realiza e completa á man moitos procesos, para garantir así a integridade do froito e obter a maior calidade posible do resultado final.
Todo o tratamento que se estende ao longo de 240 horas de paciencia, entrega e perseveranza xustifica visiblemente o auténtico carácter e bondade deste esmerado produto, dunha textura e sabor únicos.
Sorprende os teus seres máis queridos con esta xoia culinaria que non deixará indiferente a ninguén.
Dispoñible en varios formatos e gamas de produto para a súa aplicación na cociña ou no consumo directo.
