Barcelona volveu a converterse en punto de encontro para o sector alimentario e, un ano máis, Cuevas e Cía participa na Feira Alimentaria Barcelona consolidando a súa presenza e fortalecendo as relacións comerciais. Durante varios días, Rocío Cid, xerente da empresa, e Paula Reverter, do departamento comercial, aproveitaron o evento para reencontrarse con clientes, explorar novas oportunidades e continuar impulsando os seus produtos e a esencia da nosa característica “Alma de Bosque” no mercado internacional. A xornada permitiu reforzar vínculos con colaboradores habituais e establecer novos contactos interesados na proposta gastronómica da firma.
Entre as principais novidades que presentamos nesta edición destacaron os novos lanzamentos da liña Cuevas Chef: a crema de castañas e os anacos de Marron Glacé, alén de propostas innovadoras como o queixo de cabra con Marron Glacé, que espertou gran interese entre os visitantes.
A caseta da compañía, situado no espazo Lands of Spain, recibiu a numerosos profesionais, restauradores, clientes e amantes da gastronomía que se achegaron para coñecer de primeira man a identidade e a calidade dos nosos produtos.
Ver imaxe